စာပေဟောပြောပွဲမှ ခံစားမူ့ရသ

    ဆရာဘုန်း(ဓါတု)သည် ပုသိမ်မြို့စာပေဟောပြောပွဲ၌ ဆန်ကျင်ဘက်ဖိနပ်တရံအကြောင်း ဟောပြောသွားသည်မှာ အလွန်မှတ်သားစရာကောင်းပါသည်။ ဆရာပြောသည်မှာ လူတိုင်းစီးနေသော ဖိနပ်သည် ဘယ်ဘက်နှင့်ညာဘက်တို့သည် ဆန်ကျင်ဘက်ဖြစ်ကြသည်။ သို့သော် ဆန်ကျင်ဘက်ဖြစ် သော်လည်း တဘက်ကပြတ်သွားသော်လည်းကောင်းပျောက်သွားသော်လည်းကောင်း အခြား တဘက်သည်တန်ဖိုးမရှိတော့ပေ။ ဆန်ကျင်ဘက်ဖြစ်သော်လည်း ဘယ်ဘက်နှင့်ညာဘက်သည်အပြန် အလှန်ကျေးဇူးပြုနေကြသည်။ ဆန်ကျင်ဘက်ဖြစ်တိုင်းရန်သူမဟုတ်၊ ဆန်ကျင်ဘက်ကြောင့် မိမိနှင့် သူပါတန်ဘိုးရှိနေသည်။ ဆရာဟောပြောချက်ကထိမိလှပေသည်။
    ထိုအတူအတ္တအကြောင်းကိုပြောရာ၌လည်း ချိုးငှက်ကလေးများကိုသာဓကပြု၍ပြောသွားပါ သည်။ ရှမ်းပြည်နယ်၊ ဟဲဟိုးမြို့တွင်ဆရာသည် စာပေဟောပြောပွဲအတွက်နေထိုင်စဉ် သူကိုယ်တွေ့ကို ပြောသွားပါသည်။ အေးခဲလှသောဆောင်းရာသီတွင် ဆရာတည်းခိုသော အဆောင်ရှေးတွင် ချိုးငှက် ကလေး ၇ကောင်အမတန်အေးလှသောဆောင်းရာသီဒဏ်ကိုမခံနိူင်သောကြောင့် ပြုတ်ကျနေပါသည်။ ဆရာသည် ထိုချိုးငှက်ကလေး ၇ ကောင်အားကောက်ယူလျှက်အာငွေ့ပေးလိုက်ပါသည်။ ထိုအခါထို ၇ ကောင်ထဲမှ သုံးကောင်အသက်ရှင်ပြီး လေးကောင်သေဆုံးသွားပါသည်။ ထိုအသက်ရှင်သော ချိုးငှက် သုံးကောင်လုံး၏အတောင်အောက်တွင် စာကလေးငှက်ကဲ့သို့ငှက်သေးသေးတို့တွေ့လိုက်ပါသည်။ ဆရာအတွက်ထူးဆန်းနေ၍ စာပေဟောပြောပွဲမှအပြန်တစ်ညတွင် ဆရာသည် ချိုးငှက်များအိပ်သော သစ်ကိုင်းအားကြည့်ရာတွင် ချိုးငှက်တို့၏အတောင်အောက်သို့ငှက်သေးသေးတို့အတင်းတိုးဝင်နေ သည်ကိုတွေ့ရပါသည်။ တချို့ချိုးငှက်တို့သည် ငှက်သေးသေးလေးတို့အ၀င်မခံဘဲအတောင်နှင့်ပုတ် လွတ်ပါသည်။ တချို့ချိုးငှက်တို့သည် အတောင်လေးဖြန့်ပေးကာငှက်ကလေးတို့အတောင်အောက်မှာ အိပ်စေပါသည်။ ချိုးငှက်၏ကိုယ်ငွေ့ ငှက်ကလေးတို့၏ကိုယ်ငွေ့တို့ဖြင့်ရာသီဥတုဒဏ်ကိုရင်ဆိုင်ကြပါ သည်။ ငါအတောင်ထဲမ၀င်နဲ့ဆိုပြီးအတောင်နှင့်ပုတ်ထုတ်သော အတ္တကြီးသောချိုးငှက်တို့သည် သေကြပါသည်။ အသက်ရှင်သောချိုးငှက်လေးသုံးကောင်သည် ငှက်ကလေးတို့အားအတ္တမဖက်ကူညီ ခဲ့သောကြောင့်အသက်ရှင်ရသည်။ အတ္တဖက်ပြီးငှက်ကလေးတို့အားမကူညီခဲ့သော ချိုးငှက်တို့သည် သေကြရသည်။ အတ္တကြီးသောပုဂ္ဂိုလ်တို့သည်အသေစောတတ်ကြသည်ဟုဆရာကပြောဆိုသွားပါ သည်။
    သူတပါးကိုကူညီလေ့ရှိသော ပရဟိတသမားတို့သည် အများမေတ္တာခံယူရသောကြောင့် အသက်ရှည်ကြသည်။ မေတ္တာရေစင်ဖြင့်သွန်းလောင်းခံရသောသူတို့အတွက်ထာဝရ့အေးချမ်းရပါ သည်။ သူတပါးကိုတန်ဘိုးထားသော ကိုယ်နှင့်တန်းတူပြုသောပုဂ္ဂိုလ်တို့သည်မှာလည်း ဂါရ၀နိဝါတ မင်္ဂလာဖြစ်နေ၍အသက်ရှည်ရပါသည်။ ရန်အပေါင်းဘေးအပေါင်းကိုအောင်မြင်ရပြန်ပါသည်။ မြတ်စွာ ဘုရားရှင်ကိုယ်တော်တိုင် မင်္ဂလသုတ်တော်၌ အတိအလင်းဟောကြားတော်မူခဲ့ပါသည်။
    ဆရာဦးဘုန်း(ဓါတု)၏အတွေးအယူအဆဒဿနတို့မှာအတုယူဖွယ်လေးစားဖွယ်ကောင်းမွန်ပါ သည်။ စာရေးသူသည် စာရေးဆရာတိုင်း၏စာကိုဖတ်သော်လည်းကောင်း၊ ဟောပြောမူ့များကို ကြည့်ရူသော် လည်းကောင်း အတ္တုက္ကံသန- မိမိကိုယ်ကိုချီးမွမ်းခန်းဖွင့်လွန်းသောစာပေ ဟောပြောချက်များကို ဘ၀င် သိတ်မကျလှပေ။ အဘယ်ကြောင့်ဆိုသော် စာရေးဆရာဆိုသည်မှာ တော်ကြတတ်ကြပါသည်ဟု စာဖတ်ပရိသတ်ကလက္ခံထားပြီးဖြစ်သောကြောင့်ဖြစ်ပါသည်။
    ဆရာဦးဘုန်း(ဓါတု)ကတော့ရသမျှအချိန်စာဖတ်ပရိသတ်ကြီးအား သုတရသဒဿနများကို ပေးနိုင်သလောက်ပေးသွားခဲ့ပါသည်။ ဆရာဦးဘုန်းကဲ့သို့စာဖတ်ပရိသတ်ကြီးအား ဗဟုသုတ သင်္ခန်းစာများကိုပေးစွမ်းနိုင်သော ဆရာများစွာနှင့်စာဖတ်ပရိသတ်ကြီးဆုံတွေ့ကြပါစေလို့ အာသီသ ပတ္ထနာပြုမိပါတော့သည်။

ဥယျာဉ်မူးများသို့

ပန်းကလေးများပွင့်တော့မည်
    ဖူးတံဝင့်လို့ချည်
    နေချည်မှာ ရွှေရည်လောင်း
    ငါတို့စာသင်ကျောင်း။
    သည်ကဗျာလေးကိုစာရေးသူသဘောကျမိသည်။ စာသင်ကျောင်းကိုဥယျာဉ်သဖွယ်တင့်စား၍ စာသင်သားကလေးငယ်များအား ပန်းကလေးများနှယ်ဖွဲ့ဆိုထာသည်မှာ ရသမြောက်လှပေသည်။ သို့သော်ပန်းကလေးများပျိုးထောင်သူဥယျာဉ်မူးမပါဖြစ်နေပါသည်။ စာရေးသူကဥယျာဉ်မူးနေရာက ထပ်ဖြည့်ချင်ပါသည်။
    ဥယျာဉ်မူးတို့ ပြုံးပျော်ရွှင်
    ပန်းတွေကြည်၍ပင်
    ရွှေရင်မှာ ပီတိလောင်း
    ငါတို့ဆရာအပေါင်း။
    ဥယျာဉ်မူးတို့မည်သည် မိမိတို့ စေတနာ ၀ါသနာ အနစ်နာ မေတ္တာ ကရုဏာတည်းဟူသော သြဇာပြည့်ဝအာဟာရတို့ဖြင့်စိုက်ပျိုးခဲ့ရသော ပန်းကလေးတို့ဖူးဝေစီလာပြီဆိုလျှင် အမောတွေပြေ ပြုံးပန်းတွေဝေနေကြသည်သာဖြစ်သည်။ ဆရာဆိုသည်မှာသည်နှယ်မခြားအလားတူပါပေစွ။ မိမိ တပည့် လေးများအောင်ပန်းတွေဆင် ဆုတွေချယ်သ ပဏာရနေသည်ကိုမြင်ရပါလျှင် ဆရာရွှေရင် ပီတိတွေဝင်ပြီး ဖရဏာပီတိဂွမ်းဆီထိနှယ်ဖြစ်ရပါတော့သည်။
    စာရေးသူသည်လည်း ပန်းကလေးများစိုက်လာသည်မှာ ၃နှစ်ပြည့်တော့မည်ဖြစ်ပါသည်။ သောတုဇန စာသင်သားရှင်ငယ်လေးများ ကျောင်းသားကလေးများတည်းဟူသော ပန်းကလေးတို့ သည်ဖူးပွင့်ဝေဆာစပြုလာနေပြီဖြစ်ပါသည်။ ကဗျာလေးထဲကလို ဖူးတံဝင့်လို့ချီလာနေပါပြီ။ သည်ပန်းကလေးတို့သည် ပွင့်ကြည့်ပေတော့မည်။ လောကကို အလှဆင်ကြတော့မည်။ လောကကို ကောင်းကျိုးပြုကြပေတော့မည်။ စာရေးသူတို့ဥယျာဉ်မူးများမှာ စိုက်ပျိုးရုံသက်ဖူးပွင့်ရုံသက်သက်ပါ တည်း။ သည်ပန်းကလေးများအပေါ်၌အကျိုးတရားကိုမမျော်ကိုး ကိုယ်အတွက်ကိုမငဲ့ကွက် လောက အတွက်သာဖြစ်ပါ၏။
    သာသနာတော်အတွက် လောကလူသားအားလုံးအတွက်စိုက်ပျိုး ပြုစုပျိုးထောင် ရေလောင်း
 ပေါင်းသင်နေကြခြင်းဖြစ်ပါသည်။
    ရွှေရင်မှာ ပီတိလောင်းပြီး ငါတို့ဆရာအပေါင်း ဆိုသကဲ့သို ရာသီတွေဘယ်လို ပြောင်းပြောင်း ပန်းကလေးတွေတပွင့်ပြီးတပွင့် ဖူးပွင့်ဝေစီ လောကကိုအလှ ဆင်နေကြပါစေ ဆရာစေတနာ ဆရာမေတ္တာကတော့  မခန်းသောစမ်းရေ အေးမြစေသောကရုဏာ ရေစင်တို့ဖြင့်အစဉ် ထာဝရဖြန်းပက်နေမည်မှာဆရာတိုင်းသာဖြစ်ပါသည်။