မြန်မာပြည်၌ ဒက္ခိဏသာခါရုပ်ပွားတော်ကိုးကွယ်မူ့လည်း ခေတ်စားလှသည်။ ဤရုပ်ပွားတော်နှင့်ပတ် သက်၍လည်းဖြစ်ရပ်ဇာတ်လမ်းများရှူပ်ထွေးလှသည်။ ဒက္ခိဏသာခါဆိုသည်မှာ မြန်မာဘာသာဖြင့် တောင်းကိုင်းဟုအဓိပ္ပါယ်ရသည်။ ဘီစီ ၃ရာစုလောက်က အရှင်မဟိန္ဒနှင့် သင်္ဃမိတ္တာထေရီတို့သည် သီဟိုဠ်(ယ္ခု-သီရိလင်္ကာ)သို့သာသနာပြုကြွတော်မူကြသည်။ သီဟိုဠ်ကျွန်းသားတို့ ကိုးကွယ်ရန်အိန္ဒိယ ပြည် မဇ္ဇျိမဒေသ မဟာဗောဓိပင်မှာ လက်ယာတောင်ကိုင်းကိုဖြတ်ယူ၍ သီဟိုဠ်ကျွန်း၌စိုက်ပျိုးခဲ့သည်။ ထိုဗောဓိပင်မှအသားတို့ကို ရုပ်ပွားထုလုပ်ကိုးကွယ်ရာမှ ဒက္ခဏသာခါဘုရားတော်ပေါ်ပေါက်တော်မူ လာသည်ဟုဆိုသည်။
မြန်မာနိုင်ငံတွင်သက္ကရာဇ် ၇၈၈-ခုနှစ်၌ နန်းတက်သောမိုးညုင်းမင်းတရားလက်ထက် သီဟိုဠ်ကျွန်းမှ ဒက္ခိဏသာခါရုပ်ပွားတော်အဆူ ၃၀၀ ကျော်ရောက်ရှိလာရာ ရဟန်းရှင်လူ မူးမတ်တို့အမြတ်တနိုးကိုး ကွယ်ခဲ့ကြသည်။ ထိုအချိန်မှစ၍ ဒက္ခိဏသာခါရုပ်ပွားတော်ကိုးကွယ်မူ့ခေတ်စားလာခဲ့သည်။ ရှေးဦးက ဒက္ခိဏသာခါရုပ်ပွားတော်များကို အခြားရုပ်ပွားတော်များကဲ့သို့ အချိုးအဆစ်ပြေပြစ်စွာထုလုပ်ခဲ့ကြ သည်။ အခြားရုပ်ပွားတော်များနှင့်ခြားနားခြင်းသည် ကြပန်းဆောင်းခြင်းသာထူးသည်။ ဤကဲ့သို့ကြာ ပန်းဆောင်းသောဖြစ်ရပ်မှာမူ မဟာယနဂိုဏ်းနှင့်ဆက်နွယ်နေပြန်သည်။ မဟာယနကျမ်းတို့၌ ဤသို့ ရေးသားထားသည်။ ကောသလမင်းနှင့် မလ္လိကာမိဖုရားတို့သည် မြတ်စွားဘုရားအထံတော်သို့လာကြ ရာမြတ်စွာဘုရားရှင်မရှိခိုက်နှင့်ကြုံနေ၏။ ရှင်မောဂ္ဂလ္လာန်သည် တန်ခိုးတော်ဖြင့်လိုက်ရှာရာ ဘုရားရှင် သည် ကြာမျိုး ၅-ပါးဖူးပွင့်နေသော အနောတတ်အိုင်ထဲ၌ ကြာပွင့်ကြီးတပွင့်ပေါ်တွင် ဈာန်ဝင်စားနေ၏။ အိုင်စောင့်နတ်ကြီး ၉-ဦးတို့ကလည်း ဘုရားရှင်ကို ကြာပွင့်ကြီးတပွင့်စီဖြင့်ဆောင်းမိုးပေးထားကြသည်။ ဤဖြစ်စဉ်ကိုတွေ့မြင်လာခဲ့သဖြင့် အရှင်မဟာမောဂ္ဂလ္လာန်သည် ကောသလမင်းနှင်း မလ္လိကာမိဖုရား တို့အားပြန်လည်ပြောပြ၏။ မင်းနှင့်မိဖုရားတို့သည် ဘုရားရှင်စံမြန်းနေပုံကို စိတ်ကူးဖြင့်ကြည်ညိုသွား ကြ၏။ ဤပုံသဏ္ဍာန်မျိုးကို ရုပ်ထုပြုလုပ်၍ကိုးကွယ်လိုကြောင်း ရှင်မောဂ္ဂလာန်အားလျောက်ထားကြ သည်။ ခွင့်ပြုချက်ရသဖြင့်မင်းနှင့်မိဖုရားတို့သည် ကြာပန်းဆောင်းရုပ်ပွားကို ကိုးကွယ်ခဲ့ကြသည်ဟု ဆိုပါသည်။ ဤအဆိုအရ ဒက္ခိဏသာခါရုပ်ပွားများမှာ မဟာယနအယူအဆရထုလုပ်ကိုးကွယ်ခဲ့ ကြသည် ဟုဆိုနိုင်ပြန်သည်။
နောက်ပိုင်းတွင် ဒက္ခိဏသာခါရုပ်ပွားတော်များကို ဂိုဏ်းဆရာလုပ်သူများကအမျိုးမျိုးစိတ်ကူး၍ ချဲ့ထွင် ပြုလုပ်ကြသည်။ ရုပ်ပွားတော်တွင် မှို-၉-ချက်ရိုက်ခြင်းစသော အစီအမံတို့ကိုထည့်သွင်းထားကြသည်။ ထိုရုပ်ပွားတော်ကို ကိုးကွယ်လျှင်လာဘ်ပေါများမည်။ အရောင်းအ၀ယ်ကောင်းမည်။ ရာထူးတိုးမည်။ အန္တရာယ်ကင်းမည်။ မီးဘေးမှလွတ်မည်။ သိဒ္ဓိပေါင်းစုံပြီးစီးနိုင်သည်စသည်ဖြင့် ဂိုဏ်းဆရာတို့၏အသုံး ချခံရုပ်ပွားတော်တဆူဖြစ်လာလေသည်။ အဆိုးရွားဆုံးပြုလုပ်ချက်မှာရုပ်ပွားတော်၏ ပုံသဏ္ဍာန်ဖြစ် သည်။ ရုပ်ပွားတော်သဏ္ဍာန်ကို ပန်းပုမတတ်သူထုလုပ်သကဲ့ ပုအိုင့်သော လည်ကုပ်တိုသောပုံဆိုးများ ကိုထုလုပ်ကြသည်။ ဗုဒ္ဓဘုရားရှင်သည် လက္ခဏာတော်ကြီးငယ်အသွယ်သွယ်တို့ဖြင့် ပြည့်စုံသူဖြစ်၍ အပြစ်ပြောစရာမရှိ။ တင့်တယ်သောရူပကာယတော်ရှိပါသည်။ ဤကဲ့သို့ဆိုးရွားသောပုံသဏ္ဍာန်ရုပ်ပွား တော်တို့ကို ထုလုပ်ကိုးကွယ်နေကြသည်မှာ ဘုရားရှင်၏ကြည်ညိုမြတ်နိုးဖွယ်ရာ ရူပကာယတော်ကို ဖျက်ဆီးထားခြင်းပင်ဖြစ်ပါသည်။
ယနေ့မြန်မာနိုင်ငံတော်တွင် ဗုဒ္ဓရုပ်ပွားတော်များကို ပုံစံအမျိုးမျိုးအယူအဆအသွယ်သွယ်တို့ဖြင့် ထုလုပ်ကိုးကွယ်နေကြသည်။
- နူတ်ခမ်းမွှေးတပ်သောရုပ်ပွားများ
- မျက်မှန်တပ်သောရုပ်ပွားများ
- မှဲ့တပ်သောရုပ်ပွားများ
- နဖူး၌အဖုတပ်သောရုပ်ပွားများ
- လက်စွပ်ဝတ်သောရုပ်ပွားများ
- မြွေပတ်သောရုပ်ပွားများ
- ဆင်းစီးမြင်းရံရုပ်ပွားများ
စသည်ဖြင့် အမျိုးမျိုးပြုလုပ်နေကြသည်။ အချို့ရုပ်ပွားများမှာ မူလတင်ပျဉ်ခွေရုပ်ပွား၏ ဒူးနှစ်ဖက်နှင့် ပခုံးနှစ်ဖက်ပေါ်၌ မတ်ရပ်ရုပ်ပွားလေးများကို ထည့်သွင်းထုလုပ်ထားသည်ကိုတွေ့ရသည်။ ပလပ်စတစ် ဖြင့်လောင်းထားသောရုပ်ပွားဖြစ်သည်။ ထိုရုပ်ပွားကိုကြည့်၍ ဆပ်ကပ်ပြနေသလားဟုထင်မှားလောက် အောင်အရုပ်ဆိုးအကျဉ်းတန်နေပါသည်။ အချို့ဘုရားရင်ပြင်ပေါ်၌ လူကြိုက်များသော ဘိုးဘိုးအောင်၊ ဘိုးမင်းခေါင်စသော ဘိုးတော်ဆိုသူစိတ္တဇရုပ်ကောင်တို့ကို ပြုလုပ်ထားရာ ဗုဒ္ဓဘာသာအတွက်ရှက် ဖွယ်ကောင်းသော လုပ်ဆောင်ချက်များဖြစ်ပေသည်။ ယ္ခုဖေါ်ပြခဲ့သော အကြောင်းအရာများမှာ ထေရ၀ါဒထဲ၌ ရောနှောနေသည့် ကိုးကွယ်မူ့များထဲမှ ထင်ရှားသောကိုးကွယ်မူ့များဖြစ်ပါသည်။ မထင် မရှားဖြင့်ကိုးစားနေကြသော အသေးအဖွှားကိစ္စများလည်းအမြောက်အများရှိနေပါသေး၏။
ရေစကြို-အရှင်ဧသိက၏- “ထေရ၀ါဒ ဗုဒ္ဓဘာသာ” ပြိုင်ပွဲဝင်ပထမဆုရ စာအုပ်မှ ကောင်းနူတ်ထားခြင်း ဖြစ်ပါသည်။
